ومـا راق جو الهــنا

Admin المساهمات : 624 تاريخ التسجيل : 16/01/2013

ومـا راق جو الهــنا إلا ما طيفك حـام لعب بخيالي ابتسمت و قلت هــــدوني
و تا يظل عـندي أمل ما اغرق بأوهام حفظتك بعيني و عليكي مطبق جفوني
والصبر باقي معي و القلب فـيكي هام يا منيــــة الروح متلي بالهـوى كوني
بس اعذريني لساني بذكـراسمك صام و سرك بصدري حفظتو للهوى قوني
مشتاق المح خـيالـــك و الثغـــر بسام وكَحِّل عيوني بحـلاكي و للقلب موني
بحبك .. بحبك و مهـما يكـترو الظـلاَّم بعشق جمالك يا حلوه كـيف ما تكوني
وانتي مناي وحياتي و عطر بر الشام و بشكر عيوني على الألطــاف دلوني
و بحب دمع القـلـم يا زينة الأقـــــــلام كلمة كتبــها و بدمعة صدق مضموني
يا صبر قلبي عليك بيصدرو الأحـــكام من دون حق الــــــــدفاع بعتم خلوني
تروى يا قاضي الظـلم لا تنفـذ الإعدام يا حكم جائر ما فـــيك تحطـم حصوني
بعيش بخــيالي متل ما عاش بو تـمّام و بهجر محاكم بأعمى القلب مسكوني
وما بخاف قول العوازل لو بقي أعوام مجنون قالـو وقـــــع في حُب مجنوني