ali jaafar
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

ali jaafar

ثقافي اجتماعي ترفيهية
 
الرئيسيةأحدث الصورالتسجيلدخول

 

 يللي سكنتي بطيف

اذهب الى الأسفل 
كاتب الموضوعرسالة
المدير العام
Admin
المدير العام


المساهمات : 624
تاريخ التسجيل : 16/01/2013

يللي سكنتي بطيف Empty
مُساهمةموضوع: يللي سكنتي بطيف   يللي سكنتي بطيف Icon_minitimeالسبت يناير 19, 2013 1:21 pm

يللي سكنتي بطيف القلب و الوجـــــــدان تخايلت انك بخمر العشق مجــــــــــبولي
جيـــتي بخــــــــيالي ملاك بهيئة الإنسان و صورة خـــيالي ما ظني تكون معقولي
لعبتي بروحي كأنـــك عطـــــــر بالبستان و شمّـيْتْ عطرك بلوحـــــه غير منقـولي
و الغنج شـفتو و دلالك مهجة العطـشان عطشو شـــــــــفافي بحاله غير مقـبولي
تذكرت قيس و شرودو بصحرتــو بردان و قصة غرامو بغـــرامي ليش مشـمولي
هوي بليلى انشغل يكــــــــــتبلها قصدان و انتي بخــــــيالي صور بالعطر مبلولي
و حسيت اني خـــــيالي عاشق و هيمان و حـــاولت انسى صور بالورد مشغولي
ما عرفت اسمك و متلو مضيع العـنـوان و مجـــنون عني بعمرك ممكـن تقـــولي
خيــــالك برونق ربيع وزاهر الأغصــان و فيكي نجــــــــوم السما بتظل مشغولي
و مشغول بالي أنا و بصورتك حــــيران مدري بحقيقة و مدري بوهـــم مذهـولي
يا لون زهــــــــــــــــره إذا بتفتح بنيسان عليها شفاف الحـــــــلا أوراق معسولي
و ع كل ميله جفونــــــــك عاملي ميزان و ســــيوف بسأل ع قلبي ليش مسلولي
بحلم يقـــــــظه و ما كنت بنومي غفيان شاطح خــــيالي بصور عالغيم محمولي
هيدي الحقيقه شرحتا اليوم يا خــــــلان متل ال بينـــومو آكل صحنين تبــــــولي
حابب خيالي و ما كان الطيف بالحسبان و العـــدل وين العدل يا ناس قـــــولولي
و فتشت عنك كــــتاب الشعر و الديـوان و ما لقــيت كلمه من الأشعار منقــــولي
إلا وشـــــــفتا برسمك و الحلا فـــــــتان و ع كل زنبق بتوعى الشمس مخجـولي
بقول الحقيقه و ما بــدي ادعي النسيان حبيـــــــــت لكن أنا حبيت مجهــــــــولي
الرجوع الى أعلى الصفحة اذهب الى الأسفل
https://jaafar.ahlamontada.com
 
يللي سكنتي بطيف
الرجوع الى أعلى الصفحة 
صفحة 1 من اصل 1
 مواضيع مماثلة
-
» رغـــــــــــم القهـــــر يللي صار

صلاحيات هذا المنتدى:لاتستطيع الرد على المواضيع في هذا المنتدى
ali jaafar :: الفئة الأولى :: اشعار غزل-
انتقل الى: