ali jaafar

ثقافي اجتماعي ترفيهية
 
الرئيسيةبحـثالتسجيلدخول

شاطر | 
 

 مسـكين قلبي

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
المدير العام
Admin
avatar

المساهمات : 624
تاريخ التسجيل : 16/01/2013

مُساهمةموضوع: مسـكين قلبي   الإثنين يناير 28, 2013 2:02 am


مسـكين قلبي إذا حبيت يا أخـــــوان
و زهوة شبابي انتهت مع بدء لوعـاتي
بشفق ع حــالي إذا بمشي متل سكران
مْتعْــــتـَعْ و أدفن بكــتر الهم بســـماتي

مرتاح كـنت و لحــالي بالعمــر فرحـان
رنــدح بشعري و مع الأشعار سهراتي
خيالي رفيقي وما شفتو ضامر وقلقان
و من دون كاس الخمر يسكر ع أبياتي

امرح ع كيفي اذا من حالتي قــــرفـان
بْنَكِت ع حالي وع نفسي بقــول نهـفاتي
اضحك ع حالي أنا وعم دندن الالحان
من حيث أهل القلـم و الشعر رفـــقـاتي

ما كان عندي هموم و لا كنـت حــيران
و يسهر بعيني الحلم في عـز غفــواتي
الوقت الصرفتو ملل ما بحسبوخسران
كنت سافر ع كـــيفي بكـل رحــــــــلاتي

ندمان قالـت يا أعــزب!؟لأ مش ندمـان
بسـؤال امي ابتـدت تقــــــلق على ذاتي
حاجي يا اعزب يا مهمل يا ولد تلـفــان
اختار العروس و بلا ما تزيد وجـعـاتي

مقضي حياتك مثل ما بيرقصو العمـيان
عايش لحــــــالك انت سبـبت حسراتي
وليلى الشقية تساعـدها قـوم ياكسلان
دمعات امك يا ســلفي مـثل دمعـــــاتي

و بليـــــل أعمى لحالي ما كنـت نعسان
موجة خـــيالي ابتدت تمشي في دماتي
وحسيت نهر الهوى في مهجتي جريان
يغني بمسيرو لهيب الشوق جــــــواتي

ولما ع دربي وقع سمرا من الأغـصان
بعـــــــدو جناها طــــــري قلتلها هــاتي
الطيف بخيالي سحرني و فيَّـق الأجفان
هنيت حـــــــــالي و قلت يا سعد ليلاتي

و مرت ليالي الهــــــنا ع جنينة الخلان
و حسيت كل الـــــــدني مرتع لنجـماتي
وما عرفت اقرأ الغيري بدفتر النسوان
و ما عرفت بعد الفرح بالعمر شــو آتي

و عجقة تساؤل و غيري شَعَـلتْ بركان
و بدها القصيده و عن الكلمات إثـباتي
و انو لغـــيرا أنا ما أكتـــــــب القصدان
من حيث هيي الحبيبه بكل آهــــــــاتي

لوين رايح ؟ و جــــــــايي انت يا فــنان
و من هيي الحكــــــيتا بوقت غيـباتي ؟
حسيت حالي بسجن و خـــــيالها سجان
و شاعر تا ابقى طليق و حـــر بالأفـكار
عفت الحـــــــــريم و نهيت اليوم آخـاتي
الرجوع الى أعلى الصفحة اذهب الى الأسفل
http://jaafar.ahlamontada.com
 
مسـكين قلبي
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
ali jaafar :: الفئة الأولى :: اشعار غزل-
انتقل الى: