وعم تســأليني ليـش بدي روح

Admin المساهمات : 624 تاريخ التسجيل : 16/01/2013

وعم تســأليني ليـش بدي روح
من دون ما إشــكي ولا إحـكي
لا تســألينـي و تفتحيلـي جروح
مـن بحر دم ولادنـا ..... بتبكـي
+-+-+-+-+-+-+-+-+-+-+
نحنـا القتلنـا هـالبلد مـن قبـل
لما الكذب و الغــش صارو فرض
و تعـوَّد الإنســان رقص الحبـل
وبطَّل حدا يمشي ع سطح الأرض
+-+-+-+-+-+-+-+-+-+-+
وصرنــا نعلـم طفلنــا بصغـرو
إنـو الوطن قجة مصـاري و عز
ومــن بعد مـا أولادنــا كبـرو
باعــو الوطن من دون رمش يهز
+-+-+-+-+-+-+-+-+-+-+
و تعلمـو إنـو ...... إلـه حـسين
مش نفـس رب اليـاس أو حيدر
وبدل الإلــه ... يكون عنــا تنيـن
مشـروبهــم مـن دمنـا الأحمـر
+-+-+-+-+-+-+-+-+-+-+
وبدِك بقا إبقـى....... مارح إبقى
ما ضل يتحمل وجع ...... قلبي
حاسـس بغربة وهون عم إشـقى
وما عـاد فيي إحمـل.... الغربــة