ali jaafar

ثقافي اجتماعي ترفيهية
 
الرئيسيةبحـثالتسجيلدخول

شاطر | 
 

 صباح الخير يا طفل المغـارة

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
المدير العام
Admin
avatar

المساهمات : 624
تاريخ التسجيل : 16/01/2013

مُساهمةموضوع: صباح الخير يا طفل المغـارة   الثلاثاء يونيو 04, 2013 11:11 pm

صباح الخير يا طفل المغـارة
يا موكب نور من منبع طهــارة
اسمحلي اسألك لكن لا تزعـل
بعد ألفين عام من الإمــــارة
خلقت للحب يا بن الحب مرسل
فديت العـالم بحــق و جــدارة
وعطيت المجدلية الحق تكـمل
بعد نقصانها بحــب وحــرارة
وبعد كلشي عملتو شو تبــدل
لا تزعـل بعدنا بذات المــرارة
بعدو الحقد عنا بـكل مــنزل
وبعدو الحب عنـا ربع بـــارة
ودم هابــيل عنا ما تغـــسل
بكـل نهـار منـعيد العبـــارة
قتل قايين خيو مشان يوصـل
ونحـنا منقتل رياضـة و مـهارة
منسهر عالتفاهة وما منـكمل
وبقوت ولادنـا منرجع سكــارى
منركض عاخطى الخصرالمدلل
الي صار بعصرنا مهـنة و تجـارة
عملنا الخاطية للطهر جـدول
وغـسلنا قلوبـنا بمية حقــارة
ويهوذا صار عنا شــخص انبل
من العـفة ال بأحـلام العــذارى
خلقت تمحي خطية عهد أول
خطـية ال كانت الأفعـى شـعارا
من تفاحـة ال فيها تـداول
حـوى وآدم وداقـوا العصــارة
وهلق عندنا بعصر الحـضارة
أكـل تفاحـنا خفة و شطــارة
ونصايـح أنبيــا ما عاد نـقبل
انشـالله مازعلـت مني لأنــي
طفل كبير يا طفل المغـارة
الرجوع الى أعلى الصفحة اذهب الى الأسفل
http://jaafar.ahlamontada.com
 
صباح الخير يا طفل المغـارة
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
ali jaafar :: زجل-
انتقل الى: