المدير العام Admin
المساهمات : 624 تاريخ التسجيل : 16/01/2013
| موضوع: طل الربيع وفيك ذكّرني الثلاثاء يونيو 04, 2013 11:39 pm | |
| طل الربيع وفيك ذكّرني وعا موعد الاحساس سفّرني مشتاق اغمر قدّك الميّاس اللي كان باللهفات يغمرني عندي نهم بالروح ما بينقاس ... نطرني عا مفرق وعدنا نطرني يا عطر يا مارق على الانفاس قلّي حبيبي كيف ؟خبّرني غلغل عا غفله من عيون الناس مختوم جرح الورد؟ بشّرني عا مذبح النهدات بالقدّاس حرقني شمع بالحب ونذرني منشار فيّي صرت يا وسواس شو بحتمل تا تظلّ تقهرني يمكن حنيني دهدكو الافلاس بس الأمل عالصبر جابرني صلبني على كفوف الدوالي كاس وعا شفّة المشوار خدّرني تا كل ما كاسي مآسي خاس قطفني وجع عالغصن وعصرني ملهوف عا غمره ياغصن الآس رجعلي بعد ما الريح هجّرني بعدك حبيبي وبعدك المقياس لاتفزع من الموت يغدرني مازال قلبي عاش عالاحساس لوصار نعشي حدّ باب القبر بيظلّ تمّي يقول: تقبرني | |
|