يا نور عيني ليش

Admin المساهمات : 624 تاريخ التسجيل : 16/01/2013

يا نور عيني ليش طولتي الغياب من البعد قلبي عالقهر تختخ و ذاب
صارت حياتي عَ غيابـك متعبي وما عدت اقرأ حرف ورميت الكتاب
دمعت حروف الشـعر دمعه ملهبي و بيت الشعر محزون عندو ارتياب
قلتي ما بدك عن حياتي تغربي و عَ الف مكتوب ما بعتي جواب
و صارت حياتي بالهموم مسرسبي كنا و كنتي تمرحـي و الهم غاب
والشمس ما بتشرق عَ ورد المسكبي و صار الورد مأسور في كثر العتاب
مش قابل تغيبي و لا تتغربي و القمر قرر ذهاب بلا اياب
و للروح ، عم يهمس كفى تتعذبي و للعقل خلي شوي فسحه للحساب
لكن اذا عــم تسألي عن مطلبي بالمختصر كافي يا روحي اغـتراب
عودي وعلى صدري يا روحي العبي حتى اله الكون يكتبلك ثواب

» يا نور عيني بغيبــــــــتك
» يا حبيبي ونظر عيني لا تخليني