جفـنك البـاكي ليش

Admin المساهمات : 624 تاريخ التسجيل : 16/01/2013

جفـنك البـاكي ليش من فعـــل النـــدم مش ممكن بيبكـــو عيونــك من عــدم
معقــــــول تبــــــكي ع الحبيب الأَوَلي مفطور قلــبك عالعـــذاب و عـــالألــم
كنتي صبيه وفي حــــــلاكي مرسملي و بالشعر ينزف دم من شوقــو القــلم
واكتب الك حـــرف القصيده المخملي و مع كل كلمة تفــَـتِح جــروح الكلــم
فجأة رحلتي و اخـتفى الصوت الطلي و بسمات ثغرك سافرو و قلب انظــلم
عن جـد عم تبكي و ما كنـــتي تسألي وينو حبيب العمر بعــــــدو ما اســتلم
و مرسال قلبي راح صوبو هـــــودلي بيركض مع الغيمات عاجناح الدِيـّــــم
يا ناطره فجــــــــــر العمر تا ينجـــلي لازم يفيض النور تا يزيل الضِـيّـــــــم
بتبقي بقلبي و عالضلوع بتعــــــــتلي و بظن قلبك بوح من روحي اعـتـَــلم
و ما بينفعــــــك دمع النـدم يا حلوتي و قبل الندم لازم نحافـظ عالقـِــــــَــيم