زرتك بليلة شتي

Admin المساهمات : 624 تاريخ التسجيل : 16/01/2013

زرتك بليلة شتي و كان القــــمر نعسان و العـــتم فالش عا وجـــو الهم بردايــــه
و نسيان قلبي على ضفة نهر جريــــــان بيوعى ع صوت الخرير اللي حكا حكايه
و حتى تنامي و نسـيم الصبح شو بردان بــلُـفِـّـك بقلبي و حنين الشوق دفــــــايه
و أنسى باني بعيد و قـــــــاصدك منشان جبلك ع جنح الهـــــــوى بالليـــــل تكايه
يا ريت فيي أنا ع جفــــــــــــنك النعسان وصل شـــوية كحل و اللحـن ترجــــايي
لكن بخــــــاف النسيم يْـطَـيْـلِق السـجان و يسرق عطـوري و بذاتـــو ينفذ الغايه
أنتي حــــــــلاكِ إذا بيتصورو نيـــــسان المرج لوحه و ع صفحة خــدك مرايـــه
و الورد كلـما حكي لشقايق النعــــــمان متل الكأنو أخـــــــــــــذ من تمك كفايـــه
و ما بظن انتي نسيتي بعجقة الألـــوان الرسام لونــــــك أخذ من دون فرشايـه
و لما اللوحه رسم فـــــــــنان بالإتــقان متل الكأنو ما عمرو احـتاج محايـــــــه
يا بؤبؤ العين ، انتي رجــــــوة الهيمان و غمزة عيونـــك إشارة و السهم رايـه
و لهان قلبي بهواكِ و راحة الوجـــدان بتكمــــل يا روحي اذا بنطبق الآيــــــــه
شو نفــع ماء النهـــر و القلب عطشان و ما بيرتـوي القلب الا بهمس تمسايـه
ناطر ع جمر اللظى و بالقلب في إيمان وجمرات روحي يا روحي ما لها نهايه
كتبتك قصيدة شعر كلمات مع الحـــــان الإيقاع خفقة قلب و الحـب مَغـْــــنـَايي
و مع كل نغمه ولوع الروح بالقـصدانو القصد انتي وانتي الروح و الغايــه

» مرّة بليلة صفا شفت القمر سهران