المدير العام
Admin
المساهمات : 624
تاريخ التسجيل : 16/01/2013
 |  موضوع: الشاعـــــر يا روحي  السبت يناير 19, 2013 1:47 pm | |
| الشاعـــــر يا روحي عندما يكتب الأشــعار مش كل كلمه كــــتب بتكـــــون مضمـــوني
بيسرح خــيالو ما بين الوهـــم و الأقـــدار و قــلوب تصرخ يا أهـل الشعر عــــينوني
بيسرد مشاعر يــا إمــا مشاهــــدة أبصار يمّا بيسرد قصص قالــــــت أُكـــــــــتبوني
حتى الحقيقه إن كتبها و عاكس التـــــيار بيــــــنلام و الله متل ما الناس لامـــــوني
و مين اللي قادر رقابــــه يحــط ع الأفكار انتو الرقــــــــابه اذا قــــبلتو بتعــدمــوني
و انتو يا أهل القلـــــم يا عـــــزوة الشعار خلو القصيدي وعي و بالشــعر ســــلوني
و انتي يا انتي بحـــــياتي زينة الأقـــــمار عليكي حنايــــــــــا القلب يا حب دلـــوني
و شو نفع عمري إذا ما عشت حبي نهـار و شو نفع قلبي إذا عيونـــــك ما زاروني
شو نفع خمر الـــــــــدني في غيبة الخمّار و شو نفع عيني إذا رموشك ما غمــزوني
و شو نفع حوض الورد و جنينة الأزهــار من فوح عطرك اذا ما العـطر يهــــــدوني
يا نــــــور عيني تعي تا نْكَمِّـــــل المشوار اسمك حفرتو على ضلوعي يا مجـــنوني
كلمة بحبك قليله قـــــــــــول في المضمار و مهما يكون الظرف لا تخيبي ظـــــنوني | |
|
