لما الغلا و الحرب عملـــو معاهـدات

Admin المساهمات : 624 تاريخ التسجيل : 16/01/2013

لما الغلا و الحرب عملـــو معاهـدات
وطحنوا شعب مطحون عمرو بهالحياة
تقلت جيـوب الأغنيــا بمــال الوفيــر
وصفى الفقيــر زبون دائـم عـالفُتات
------------------------------------------
من ميل حرب..... بتاكل ولاد الفقيــر
ولاد الغني ..... ســواح عالأربع جهات
وميل الغلا..... خلا الغنـي لبسو حرير
وابن الفقير..... من البرد و الجوع مات
------------------------------------------
ابن الفقير بهـالحرب ضحـى كتيــر
لولا اســتشهد ما بتغلا التضحيات
لما يمـوت و ينطوى العمـر القصيــر
أهلو بعد منــو....... رح يموتــوا حُفاة
------------------------------------------
وابن الغنـي ببارات أوروبــا أســـير
ضحى بمالـو بـس ...... لعيون البنات
بيرجــع بعد ما الحرب تخلص عالأخيـر
وبينكتب عنو ..... شـــعر و معلقــات
------------------------------------------
صارت الدنيا زهور ما عندا ضمير
حلــوة و ريحة طيبة و كــل الصفــات
للبعض ..... نحل الحظ بيودي العصيــر
والبعض ... بس الشوك حظو من الزهور
تا صار حلمو بهالدني ... يوم الممات