المدير العام
Admin
المساهمات : 624
تاريخ التسجيل : 16/01/2013
 |  موضوع: الله في ســماواتو العليي  الثلاثاء يونيو 04, 2013 11:08 pm | |
| الله في ســماواتو العليي
خلق آدم من تراب المَنيي
وحقن فيه المحبة من مقامو
وحياتو كملت بنقطة الميي
و ماقلوعن صلاتو وعن صيامو
و عَ أيا مذهب بيرمي التحيي
وماربى الطائفية في عضامو
ولا مشى في عروقو المذهبيي
وإبن آدم نســي ربو وكلامو
وقري بكتاب حقد الأبجديي
وبَدِل إنشودة الحب وسلامو
بدي يغرد على غصونو الشقيي
قتل خيــو ... بحجة إهتمامـو
تا تبقى صورة الرب العليي
وغسَــل بدموع خيتو إحترامو
ودبح قلبو عَ مدبح سـوء نيي
ياخيي الدين لو نفهم مرامو
الحمل مع ديبنا بيمشو سويي
دينك ...عقلك الواعي إمامـو
بلا راعي ..رح تضيع الرعيي
شــو ما كان دينك إلتزامو
وشــو ما قال ديني للبَريي
حلال الدين.. ما بيقبل حرامو
وحرام تكون مُش خيي يا خيي
ما قال الدين تا نحمل حسامو
ونخـسر بعضنا ونربح خطيي
وما قال الدين عالأحقاد نامو
تا صار الدين.. جلاد و ضحيي
و يا الله.. إسمك بقلبي مقامو
والأديـان عندك ... منتهيــي
ضروري الدين تتحقق مهامو
وعلى دين المحبة نكون كلنا
ونمحي من القلوب الطائفيي | |
|
