يا كاس فوق الجرح سقسقني

Admin المساهمات : 624 تاريخ التسجيل : 16/01/2013

يا كاس فوق الجرح سقسقني
دلقني جمر عا تمّها دلقني
خلي لهيب النار يشرب نار
وعا محرق جنون الهوى حرقني
دخلك فتحلي خزانة التذكار
... ومتل الحلم عالبال مرّقني
بلكي اذا بتعرف معي شوصار
وتذكّرت شو كان قالقني
بتشفق عا ضعف العاشق المنهار
وبتترك اللهفات تسرقني
ودّيلها عن جوع قلبي خبار
مشتقلها ويا كاس شوّقني
افكار بتروح ... بتجي افكار
وسرساب سجني ما بيعتقني
مشتاق عا غنجاتها بالدار
وعا جسمها اللي كان عاجقني
زرعني غفا بجنينة الاسرار
وعا سرير تم الفجر فيّقني
ودّي حنيني صوبها مشوار
وبالخابيه نهدات عتّقني
يمكن عا شوقي ونهدتي الفخّار
موجوع متلي صار صدّقني
يا كاس يا رفيق الليالي سهار
وسهّر عيوني وظلّ عانقني
راح الهوى وايام عمري قصار
ظلّك معي وبالحلم رافقني
ظالم زماني والجغا غدّار
محكوم ... بعرف لا تضايقني
يا كاس سهل الموت لاتحتار
لكن رحمني وجيب منها وعد
عا شعرها المفلوت تشنقني

» قـد يـرى الناس الجرح