الضيق في صدري كسر حاجز الصمت

Admin المساهمات : 624 تاريخ التسجيل : 16/01/2013

الضيق في صدري كسر حاجز الصمت
فجـر براكيـن الـكـلام وحكـانـي

ماطاب لي خاطر حسافـه ولا نمـت
كلـه سبايـب همـي اللـي حدانـي

البارحـه مليـون مــره تالـمـت
داويت جرح وبان لـي جـرح ثانـي

ماهي غريبه لاانجرحـت وتبسمـت
دام الوفـا مالـه مكـان ومـوانـي

والكلمه اللي لاطـرت بالخفـا قمـت
لاجيـت بنطقهـا يعانـد لسـانـي

حـار الكـلام بداخلـي ماتكلـمـت
كـن الكـلام يزيـد هـم المحانـي

أشيـاء واجـد تـو منهـا تعلمـت
اشره على نفسـي واعانـد زمانـي

درس الزمن خذيـت منـه وتفهمـت
ياكثر مـا أخـذ منـي ولا عطانـي

ابوس راسـك يازمـن لـو تكرمـت
كافي ولـك منـي جزيـل امتنانـي

أثر الكلام احيـان يغتالـه الصمـت
وأثر اللسان أحيان ماهـو لسانـي!!